Transport groups, di’ pa magro-rollback sa pasahe
MANILA, Philippines – Hindi pa hihirit ng bawas pasahe sa mga pampasaherong jeep ang mga jeepney operators kahit na sunud-sunod na ang oil price rollback.
Ito ayon kay Efren de Luna, Presidente ng Alliance of Concerned Transport Organizations (ACTO) ay dahil hindi pa sapat ang naganap na rollback sa presyo ng mga produktong petrolyo nitong nagdaang mga araw.
Sinasabing dapat nang babaan ng mga jeepney operators sa P7.00 ang minimum fare sa jeep mula sa kasalukuyang P7.50 pasahe dahil sa magkakasunod na bawas presyo ng krudo at gasoline.
Binigyang diin ni de Luna, kapag bumaba na sa halagang P27 ang kada litro ng krudo ay saka lamang sila hihingi ng rollback sa pasahe sa passenger jeepney. Sa ngayon P34 ang halaga ng kada litro ng krudo.
Hindi rin umano bumababa ang maintenance fee at mga bayarin sa LTO at LTFRB kayat wala pang naitutulong sa kanilang hanay ang oil price rollback.
Una nang nagsabi ang grupong Pasang Masda na sila ay magsasampa ng apela sa Land Transportation Franchising and Regulatory Board (LTFRB) para maibaba sa P7 ang minimum fare sa jeep dahil sa patuloy na rollback sa presyo ng petroleum products.
- Latest
