MANILA, Philippines – Nagpatupad muli ng rollback sa kanilang produktong petrolyo ang ilang oil companies ngayong araw ng Martes (Agosto 25).
Ang roll back ay pinangunahan ng Pilipinas Shell, na bumaba ng P1.10 kada litro ang gasolina, P0.25 naman sa kerosene habang nasa P0.40 kada litro sa diesel epektibo alas-12:01 ng madaling araw.
Ayon kay Ina Soriano, ng Pilipinas Shell ang ipinatupad na rollback sa kanilang produkto ay bunsod ng paggalaw sa halaga ng langis sa pandaigdigan pamilihan.
Inaasahan namang, susunod na rin mag-aanunsiyo ang ilan pang oil companies sa kaparehong halaga. Nabatid na nasa pang-siyam na rollback na ang ipinatupad ng mga kompanya ng langis sa bansa simula noong nakaraan pang buwan. Huling nagpatupad ng bawas-presyo sa produktong petrolyo noong Agosto 18 ng taong kasalukuyan.