Tinawag na ‘supot’ Ate tinodas ng utol
MANILA, Philippines - Tatlong saksak sa katawan na ikinasawi ng isang 45-anyos na babae nang mapikon ang nakababatang kapatid nito na tinawag niyang ‘supot’ sa Tondo, Maynila, kamakalawa ng gabi.
Dead-on-arrival sa Tondo General Hospital ang biktimang si Bernadeth Nakpil, ng Del Rosario St., Gagalangin, Tondo.
Agad namang naaresto ang suspek na nakapatay sa kaniyang ate na si Bienvenido Gregorio, 44.
Sa ulat ni SPO1 Charles Duran, ng Manila Police District-Homicide Section naganap ang insidente dakong alas-8:00 ng gabi sa mismong gate ng kanilang bahay.
Nabatid na nasa labas ng kanilang bahay ang suspek nang tawagin ng biktima ng ‘supot’ sa halip na pangalan o palayaw. Dahil dito ay nagbungisngisan ang mga nakarinig na kapitbahay na ikinapahiya ng biktima.
Dahil dito, pumasok na lamang ng bahay ang suspek na lingid sa kaalaman ng nasawi ay kumuha pala ng kutsilyo. Ilang sandali pa ay binalikan nito ang kapatid na nakatayo pa sa gate ng kanilang bahay at doon inundayan ng tatlong saksak sa katawan. Pagkatapos nito ay umakyat uli ng bahay ang suspect habang isinugod naman sa pagamutan ang biktima na hindi na umabot pang buhay.
- Latest
