5 bahay naabo, 1 sugatan

MANILA, Philippines - Isang residente ang sugatan sa sunog na lumamon sa limang bahay sa lungsod Quezon, kahapon ng madaling araw.

Ayon kay Supt. Jesus Fernandez, city fire marshal, nakilala ang sugatan na si James Co, na nagtamo ng lapnos sa noo at braso habang inaapula ang apoy.

Ang sunog ay nangyari sa may Maximo Viola Gracevill, Bgy. Balingasa, partikular sa dalawang palapag ng bahay ng isang Choheng Co, 73, ganap na ala 1:20 ng madaling-araw.

Bukod sa bahay ni Co, nadamay din ang apat pang bahay dahilan para umabot ito sa ika-apat na alarma bago tuluyang maapula, ganap na alas-2:25 ng madaling-araw.

Sa inisyal na imbestigasyon ng BFP, faulty electrical wiring­ ang sanhi ng sunog. Habang inaalam pa ang halaga ng pinsala nito.