Abortionist sa Caloocan, tugis 6 fetus sa kahon, natagpuan

MANILA, Philippines - Bineberipika ngayon ng pulisya ang presensya ng isang abortionist sa isang barangay sa Caloocan City makaraang anim na fetus ang natagpuan sa ibabaw ng bubong ng isang tri­cycle, kahapon ng umaga.

Sa ulat ni Senior  Insp. Arturo Dela Cruz, Sub-Station 2 commander, dakong alas-11 ng umaga nang ma­katanggap sila ng tawag buhat sa mga residente sa pagkakatagpo sa naturang mga fetus sa may Purok 5 Kawal, Brgy. 28, Dagat-dagatan, sa naturang lungsod.

Nang kanilang respon­de­han ang lugar, nakita nila ang mga fetus na nakalagay sa isang kahon at inilipag sa iba­baw isang tricycle. 

Wala namang makuhang testigo ang pulisya sa mga residente na maaaring naka­kita sa nagtapon ng mga fetus.

Malaki ngayon ang paniniwala ng pulisya na may abortionist na nag-oope­rate sa barangay at itinapon ang mga fetus na resulta ng iligal na operasyon. 

Nakikipag-ugnayan nga­­yon ang pulisya sa mga opis­yal ng barangay upang mas lalong maimbestigahan ang insidente.