MANILA, Philippines - Arestado ang isang babae matapos itong mahulihan ng shabu sa isang anti-drug operation na isinagawa ng Pasay City Police kamakalawa.
Nakakulong ngayon sa Pasay City Police detention cell ang suspek na si Marieglo Quindara, 31, nakatira sa Pag-Asa Dos St., Maricaban ng naturang lungsod.
Ayon sa report na natanggap ni Chief Inspector Angel Aguas, hepe ng SOU/SAID SOTG Team Charlie, ng Pasay City Police, naganap ang insidente alas-4:15 ng hapon sa naturang lugar.
Nabatid, na isang anti-drug operation ang inilunsad ng pulisya upang dakpin ang umano’y isang tulak sa naturang lugar.
Base sa isang intelligence report, ang suspek na nadakip ay nakikipagsabwatan umano sa ilang itinuturing na drug pusher sa naturang lugar.