MANILA, Philippines - Nahulog sa kamay ng pulisya ang pang-12 most wanted criminal ng Caloocan City kahapon sa naturang lungsod. Nakilala ang nadakip na si Darwin Cheng, ng A. Palon St., ng naturang lungsod.
Base sa report ng Caloocan City Police, alas-12:30 ng tanghali nang makatanggap sila ng impormasyon na nakatambay si Cheng sa kahabaan ng Samson Road ng naturang lungsod. Kaagad na pinuntahan ng mga pulis si Cheng dala ang warrant of arrest na ipinalabas ni Judge Aleanor Kwong, ng Caloocan City Regional Trial Court (RTC), Branch 128 dahilan upang arestuhin ito dahil sa kasong murder at frustrated murder. Nabatid na walang piyansang nakalaan para sa pansamantalang kalayaan ng suspect na isa sa most wanted criminal sa naturang lungsod.