MANILA, Philippines - Nilooban ng mga miyembro ng Akyat-Bahay Gang ang isang klinika matapos wasakin ang bubungan nito kahapon ng madaling araw sa Valenzuela City. Base sa police report, bandang alas-6:30 ng umaga nang matuklasan ang pagnanakaw sa Roquero Medical Clinic na nasa Halina Commercial Center sa MacArthur Highway, Malanday sa nasabing lungsod. Kaagad naman ipinaabot ng katiwalang si Arnaldo Tamayo sa may ari ng klinika na si Dr. Alma Monte Requero ang nadiskubreng nakawan. Nabatid na nawawala ang P10,000 cash sa drawer, dalawang cellphones, coin bank na naglalaman ng P10,000 at mga medicinal products na aabot sa halagang P50,000 habang patuloy naman ang imbestigasyon.