MANILA, Philippines - Pinabulagta ang 44-anyos na negosyanteng Tsinoy matapos itong pagbabarilin ng riding-in-tandem assassins sa loob ng sports utility vehicle (SUV) sa bisinidad ng Malate, Maynila, kamaÂkalawa ng gabi.
Kinilala ang napatay na si Jason Chua, may asawa, negosyante at residente ng Golden Empire Tower sa Roxas Blvd., Pasay City.
Sa ulat ni PO3 Marlon San Pedro ng Manila Police District-Homicide Section, dakong alas-10:10 ng gabi nang maganap ang krimen sa panulukan ng P. Ocampo Street at Mabini St. sa Malate, Maynila.
Nabatid na papauwi na ang biktima mula sa Century Park Seafood Restaurant lulan ng Range Rover na may conduction sticker na ZI1055 nang tambangan ng tandem pagsapit sa naÂsabing lugar.
Napag-alaman din na bago maganap ang panaÂnambang ay nagsalu-salo ang biktima at mga dating kaklase sa high school sa nasabing seafood resÂtaurant.
Sinisilip naman ng puÂlisya ang anggulong may kaugnayan sa negosyong plastic products ng biktima ang pananambang.