MANILA, Philippines - Sinuportahan ng Metropolitan Manila Development Authority (MMDA) ang isinusulong na three-day school week ng Department of Education (DepEd) sa Metro Manila para maibsan ang pagsisikip ng daloy ng trapiko.
Sa pahayag ni MMDA Chairman Francis Tolentino, malaki ang maitutulong ng nasabing programa kumpara sa kanyang panukala na four-day school week na hindi makukumpromiso ang kalidad ng edukasyon ng mga estudyante.


Nakatakda namang makiÂpag-ugnayan ang MMDA sa DepEd para talakayin ang nasabing panukala.


Nabatid na pinag-aaralan ng DepEd ang pagpapatupad ng panukala para mahati ang dami ng mga mag-aaral na papasok sa iba’t ibang eskuwelahan sa Metro Manila.


Matatandaang nauna nang inilatag ni Tolentino nitong pagpasok ng 2014 ang panukalang apat na araw na pasok sa eskwelahan sa harap na rin ng maÂraming magkakasabay na road projects ng DPWH pero hindi ito inaprubahan ng DepEd.