MANILA, Philippines - Utas ang isang 21-anyos na lalaki nang tarakan sa dibdib ng nobyo ng kababata dahil sa matinding selos ng huli sa una sa Tondo, Maynila, kamakalawa ng gabi.
Isinugod sa Tondo General Hospital ang biktimang si Raymart Manansala, binata, ng Camia St., Tondo, Maynila dahil sa saksak na tinamo sa dibdib ngunit hindi rin naisalba pa ang buhay nito.
Mabilis namang tumakas ang suspect na si Eduardo Antolin, 17, at kasamang nakatatandang kapatid na si Christian Antolin, kapwa residente ng A. Bonifacio St., Tondo, Maynila.
Sa ulat ni SPO1 Mario Asilo ng MPD-Homicide Section, dakong alas-11:00 ng gabi nang maganap ang insidente sa panulukan ng Bonifacio at Jacinto Sts. sa Tondo.
Sa testimonya ng security guard na si Januar Pagulayan, 25, kainuman pa niya ang biktima at nang matapos ang inuman ay nagtungo sila sa isang karinderya sakay ng motorsiklo.
Nang makita umano ng nakababatang Antolin ang biktima ay nilapitan at inundayan agad ito ng saksak sa dibdib habang ang kasamang kapatid naman ay alalay lamang. Mabilis na tumakas ang magkapatid dala ang patalim na ginamit.
Sa pag-iimbestiga, sinabi ni Asilo, matagal nang nagseÂselos ang suspek na si Eduardo sa biktima dahil matagal na nakitang kakuwentuhan nito ang kanyang nobya.
Ang nobya ng suspek na hindi pinangalanan ay kaÂibigan at kababata umano ng nasawi. (