MANILA, Philippines — Expulsion ang parusa ng Polytechnic University of the Philippines (PUP) sa dalawang cadette officers ng Reserved Officers' Training Course (ROTC) dahil sa umano'y hazing.
Nakilala ang dalawang kadete na sina Daniel Tuico at Liezl Ariston na sinipa sa pamantasan ni university vice president Juan Birion base na rin sa rekomendasyon ng disciplinary board.
Lumutang ang biktima na nakilala lamang sa pangalang Sheena na nagsabing binugbog daw siya bilang parusa sa hindi pagdalo sa briefing night ng mga aplikante.
Nagpakita ng medical certificate at larawan ng kanyang mga natamong bugbog si Sheena bilang ebidensya laban sa dalawang kadete.
Ayon sa patakaran ng PUP, maaari pa rin naman iapela nina Tuico at Ariston ang desisyon kay university president Emanuel de Guzman.