Bus nagliyab sa ilalim ng Skyway
MANILA, Philippines - Sugatan ang isang bus driver matapos magliyab ang minamaneho nitong saÂsakyan sa south-bound ng Skyway, South Luzon ExpressÂway (SLEX), Muntinlupa City kahapon ng umaga.
Nilalapatan ng lunas sa Ospital ng Muntinlupa ang biktimang si Randy AlleÂneÂgue, at driver ng Alps Bus na may plakang DXB-157. Suwerte namang walang naÂdisgrasya sa mga pasahero nito.
Ayon kay Virgilo Dupaya, traffic enforcer ng Skyway Management, naganap ang insidente alas-6:00 ng umaga sa south-bound, ilalim ng SkyÂÂway malapit sa Alabang, Muntinlupa City habang minaÂmaneho ni Allenegue ang naturang bus. Nabatid na ayaw umanong umikot ang hulihang gulong ng bus sa bandang kanan kaya huminto ang driver.
Nang tingnan ito ni AlleneÂgue, nag-aapoy na ang gulong kaya dali-dali niya itong binuhusan ng tubig ngunit biglang sumabog at nagliyab ang bus.
Ligtas naman ang lahat ng pasahero ng bus na agad na bumaba. Alas-6:41 ng umaga na nang maapula ang apoy.
Sanhi ng insidente, halos nagmistulang parking area ang naturang lane dahil sa matinding trapik na umaabot na sa bahagi ng Bicutan, Taguig City.
- Latest
