MANILA, Philippines - Patay ang isang magkapatid, habang sugatan din ang 2 taong gulang nilang kaanak, makaraang pagbabarilin ng riding in tandem na suspek sa kanilang bahay sa lungsod Quezon kamakalawa ng gabi.
Kinilala ang mga nasawi na sina Ramon Gutierrez, 49, may-asawa; at Leodegracia Gutierrez, 74, paÂwang mga residente ng no. 1 Congressional St., Brgy. Batasan Hills.
Ang sugatan namang bata ay kinilalang si Crismon Gutierrez, na nakaÂratay ngayon sa Fairview General Hospital.
Ayon kay PO2 Jogene Hernandez, dalawang armadong lalaki na sakay ng kulay pulang Suzuki Skydrive motorcycle ang responsable sa pamamaril sa mga biktima.
Nangyari ang insidente sa may harap mismo ng bahay ng mga biktima, ganap na alas-11 ng gabi.
Diumano, nasa loob ng kanilang bahay si Ramon nang biglang dumating ang mga suspek sakay ng kaÂnilang motorsiklo.
Mula dito, ay biglang pinagbabaril ng mga suspek si Ramon at nang bumuwal ito ay saka sumibat patuÂngong San Mateo Road.
Sa pamamaril ng mga suspek, ay nasa loob ang mga biktimang sina Leodegracia at Crismon dahilan para tamaan din ang mga ito ng ligaw na bala.
Agad namang isinugod ang mga biktima ng kaÂnilang kaanak na si Danilo Sevilla, sa naturang ospital kung saan idineklarang dead on arrival si Ramon, samantalang namatay habang nilalapatan ng lunas si Leodegracia.
Sa pagsisiyasat ng awtoridad, si Ramon ay nagtamo ng mga tama ng bala sa iba’t ibang parte ng kanyang katawan, habang ang matandang Gutierrez naman ay nagtamo ng tama ng bala sa dibdib at kanang braso.
Patuloy ang imbestigaÂsyon ng awtoridad sa naÂsabing insidente upang maÂbatid ang ugat ng naturang pamamaril.