MANILA, Philippines - Isang mister ang pinatay sa saksak at bugbog ng isang grupo ng mga kalalakihan na kanyang kainuman sa Valenzuela City kamakalawa ng gabi.
Dead on arrival sa Valenzuela General Hospital sanhi ng mga saksak sa katawan si Charlie Lontoc, 38, ng Balubaran, Bgy. Malinta ng naturang lungsod.
Pinaghahanap naman ang mga suspect na sina Jenny Tenorio, 42; alyas Tata at dalawang hindi pa kilaÂlang mga kasama ng mga ito. Batay sa ulat ng ValenÂzuela City, naganap ang insidente alas-6:05 ng gabi habang nag-iinuman ang biktima at mga suspect sa Sta. Monica St., sa nasabing barangay nang kausapin ng una si Tenorio hindi kalayuan sa inuman.
Habang nag-uusap ay naglabas ng patalim si Tenorio at itinutok sa leeg ng biktima na nagawang maagaw ng huli sabay uwi sa kanilang bahay. Makalipas ang ilang sandali ay bumalik ang biktima na may dalang tubo at hinamon si Tenorio at ang mga kainuman.
Isa sa mga suspect ang pumalo ng bato sa biktima at pagbagsak ay pinagtulungan pagsasaksakin nina TeÂnorio at Tata habang ang iba ay nakisuntok kay Lontoc.
Matapos ang insidente ay tumakas ang mga suspect habang dinala naman ang biktima sa naturang ospital. Inaalam ng mga awtoridad ang motibo ng insidente.