Kelot utas sa tandem

MANILA, Philippines - Hindi na pinaabot pa ng Pasko ang isang 44 -anyos na lalaki makaraang pagbabarilin at mapatay ng riding in tandem suspect habang naglalakad papauwi sa lungsod Quezon, kahapon ng umaga.

Ayon sa inisyal na ulat ng Quezon City Police Station 6, nakilala ang nasawi na si Roderick Laurente, alyas Derek at residente ng Bacamara St., Don Fabian, Brgy. Commonwealth sa lungsod. Si Laurente  ay agad na nasawi makaraang magtamo ng limang tama ng bala ng kalibre 45 baril sa katawan.

Agad namang tumakas ang mga suspect makaraan ang pamamaril. Nangyari ang insidente sa may Don Fabian St., corner Dear St., Brgy. Çommonwealth, ganap na alas- 7: 25 ng umaga.

Ayon sa ulat naglalakad umano sa lugar ang biktima nang biglang lapitan ng suspek at pagbabarilin.

Sinasabing katatapos lamang umanong mag-jogging ng biktima  nang sundan ito ng isa sa mga suspek at pagsapit sa naturang lugar ay pinagbabaril pagkatapos ay nagsitakas sakay ng motorsiklo.

Patuloy pa rin ang isinasagawang imbestigasyon ng pulisya ukol dito.