Foreign national na sangkot sa illegal business activities tututukan ng BI

MANILA, Philippines - Tiniyak ni Immigration Commission Siegfred Mison na hindi nila tatantanan ang mga  foreign national na sangkot sa iba’t ibang  illegal business activities sa bansa.

Ang paniniyak ay ginawa ni  Mison  matapos ang ginawang pagsalakay kamakailan sa 168 mall sa Divisoria  matapos na makatanggap ng  report na  sangkot ang may 81 Chinese sa  bentahan ng mga kalakal  sa nasabing mall ng walang  proper working permits. Ang  nasabing  raid ay alinsunod sa  Mission Order (SBM-2013-55 na may petsang 10 December 2013).

Paliwanag ni Mison, ang  kanilang  operasyon ay pagpapa-iral lamang ng immigration laws  na kadalasang  nilalabag ng mga dayuhan.

Nakalagay sa batas na kailangan lamang  munang magpakita ng permit to do business o working permit  ang sinumang  negosyanteng dayuhan bago magkalakal sa bansa.

Lumilitaw din na marami nang natanggap na reklamo ang  nasabing mall.

“The operations in 168 mall has been planned a long time ago, approved and covered by a Mission order. It was preceded by extensive casing of the area and intelligence gathering using all available sources of information. Further, it was preceeded by press releases voluntary surrender program whereas all “illegals” were asked to update, pay or come out in the open with a commitment of no arrest and no detention,” ani  Mison.

Nabatid na  isinagawa ni Atty. Jose Carlitos Licas, hepe ng  intelligence division ng  BI ang operasyon katulong ang National Capital Region (NCR) Regional Public Safety.

Matatandaang isang event organizer ang dinakip kamakailan ng BI bunsod ng pagsasagawa ng fund-raising concert sa Cuneta Astrodome nang walang kaukulang permiso mula sa kawanihan.