Totoy na-trauma sa holdap
MANILA, Philippines - Halos ma-trauma ang isang 12-anyos na batang lalaki matapos itong tutukan ng banana cue stick ng isang holdaper, kamakalawa ng gabi sa Malabon City.
Itinago lamang sa paÂngalang Ariel ang biktima na nakatira sa Mesina St., Brgy. Tinajeros ng naturang lungsod.
Nakakulong naman sa Malabon City Police ang suspek na si Wyler Hererra, 29, ng Remegio St., Brgy. Maysilo ng naturang lungsod.
Base sa report ng MaÂlabon City Police naganap ang insidente alas-8:30 ng gabi, habang naglalakad ang biktima sa Mesina St., Brgy. Tinajeros ng naturang lungsod nang lapitan ito ng suspek at tutukan ito ng banana cue stick sa leeg at saka hinoldap.
Kinuha ng suspek ang bitbit na cellphone ng totoy na biktima bago tumakas habang nagsisigaw naman ang biktima na nakatawag ng pansin sa mga nakatambay.
Hinabol ng mga tambay ang suspek hanggang sa madakip at mabawi ang cellphone at sa naturang insidente ay halos ma-trauma ang naturang totoy.
- Latest
