MANILA, Philippines - Isang guwardya ang naÂsawi nang barilin ito ng dalawang holdaper na riding-in-tandem matapos na manloob sa isang sangay ng money transfer kahapon sa Parañaque City.
Kinilala ng Parañaque City Police ang biktimang si Felipe Montilla, na nagtamo ng ilang tama ng bala sa katawan buhat sa hindi pa batid na kalibre ng baril.
Nagsasagawa pa ng follow-up ang pulisya hinggil sa insidente at kanila pang inaalam ang pagkakakilanlan ng mga suspect.
Lumalabas sa sketchy report ng pulisya na naganap ang insidente alas-8 ng umaga sa isang sangay ng Western Union Money Transfer, na matatagpuan sa kahabaan ng Lopez St., Bgy. San Isidro ng naturang siyudad.
Naka-duty si Montilla sa naturang money transfer nang biglang tutukan ng baril ng mga suspect at nagdeklara ng hold-up, subalit pumalag ang biktima.
Dahil dito, pinaputukan ang kaawa-awang biktima na naging sanhi ng kamatayan nito. Kaagad namang tinaÂngay ng mga suspect ang vault ng naturang money transfer, subalit nabokya ang mga ito dahil wala pa itong laman. Iniimbestigahan pa ng mga pulis ang naturang insiÂdente.