MANILA, Philippines - Isang tricycle driver ang nasawi nang parahin at pagbabarilin ito ng hindi pa kilalang suspect na naka-kapote sa Navotas City kamakalawa ng gabi.
Dead-on-arrival sa Tondo Medical Center sanhi ng mga tama ng bala sa katawan ang biktimang si Lito Malbueso, ng Phase 2, Brgy. North Bay Boulevard South ng naturang lungsod.
Ayon sa pagsisiyasat ng Navotas City Police, dakong alas-7:30 ng gabi, pumapasada ang biktima sa Maliputo St., ng naturang barangay nang parahin ng suspect na naka-kapote at sunud-sunod na pinutukan.
Matapos ang insiÂdente ay tumakas ang suspect habang dinala naman ang biktima sa naturang pagamutan kung saan hindi na umaÂbot pang buhay. InaÂalam na ng mga pulis kung sino at ano ang motibo ng suspect.