MANILA, Philippines - Dahil sa pagkabigo ng pulisya na malabanan ang tuÂmataas na insidente ng pang hoholdap sa mga bus, muling nagpahayag ng interes ang Metropolitan Manila DevelopÂment Authority (MMDA) na kabitan ng “closed circuit television cameras (CCTV)†ang mga PUBs sa Kamay nilaan.
Kasunod ito ng ilang naÂitaÂlang kaso ng pangho-holdap sa mga bus nitong nakaraang linggo kabilang ang pagkakapaslang sa isang call center agent at chef na binaril ng mga holdaper sa loob ng bus.
Sinabi ng MMDA na nakakabahala na ang mga insiÂdenteng ito na patuloy na nagaganap sa kabila ng ipinagmamalaking police visibility ng PNP.
Sa pamamagitan ng CCTVs sa mga bus, magdadalaÂwang-isip ang mga holdaper na sumalakay habang kung mambibiktima man ay makakatulong sa pagkilala ng mga salarin at pagresolba ng krimen.
Bagama’t wala pang inilalabas na pinal na panuntunan, inaasahan ni MMDA Chairman Francis Tolentino na hindi tututol ang mga bus operators dahil sa resÂponsibilidad rin nila ang kaligtasan ng kanilang mga pasahero.
Bukod dito, muling pinaÂalalahanan ng MMDA ang mga operators na huwag gaÂwing tinted ang mga salamin ng kanilang mga bus at huwag tatakpan ng kurtina upang makita ng mga otoridad at publiko ang nangyayari sa loob ng bus.
Ito ay upang agad na makuha ang atensyon ng publiko kung may nagaganap na panghoholdap na maa aring humingi ng saklolo sa pulisya.
Pinaalalahanan naman ng pulisya ang mga pasahero ng mga bus na huwag nang manlaban kung may magdedeklara ng holdap at tandaan na lamang ang mukha ng mga ito.