MANILA, Philippines - Isang lalaki na sinasabing sangkot sa serye ng nakawan ang natagpuang patay matapos itong pagbabarilin ng hindi pa kilalang suspect kamakalawa ng gabi sa Malabon City.
Kinilala ang nasawi na si Arnold A. Co, 31, ng Cristina Street, Brgy. Panghulo, ng naturang siyudad.
Dakong alas-11:30 ng gabi nang makita ang nakaÂbulagtang biktima sa kalsada sa naturang lugar. Kung kaya’t kaÂagad nilang ipinagbigay-alam sa himpilan ng pulisya ang insidente.
Lumitaw sa imbestigasyon ng pulisya na ang biktima ay may tama ng bala sa mukha at kaliwang braso na naging sanhi nang agarang kamatayan nito.
Pinuntahan ng mga pulis ang bahay ng biktima at base sa pahayag ng amang si Oscar R. Co, 52, ang kanyang anak na si Arnold Co ay nasangkot sa mga nangyayaring nakawan sa lungsod.