MANILA, Philippines - Hindi na umabot sa loob ng kanyang bahay ang isang 31-anyos na delivery boy nang pagbabarilin habang papauwi, sa Baseco Compound, Port Area, Maynila, kahapon ng umaga.
Kinilala ni SPO1 Milbert BaÂlinggan, ng Manila Police District-Homicide Section, ang biktimang si Michael Abad, ng #326 Aplaya St., Block 1, Baseco Compound, Port Area, Maynila.
Ayon sa live-in partner ng biktima na si Christine Lagumen, dakong alas- 12:30 ng madaling-araw ay inihatid pa siya ni Abad sa terminal ng tricycle at bandang ala-1:00 ay nag-text pa umano sa kanya na nagpapaalam na may pupuntahan lamang.
Isang alyas “Amyâ€, 68, ang nagsabi na nakarinig na siya ng sunud-sunod na putok pero hindi niya umano piÂnansinÂ. Nagsasagawa ng imbestigasyon ang pulisya.