Sunog sa Malabon: 1 patay, 1 sugatan
MANILA, Philippines - Isa ang nasawi, habang isa pa ang naÂsugatan sa sunog na naganap sa Malabon City kahapon ng umaga.
Patay na nang makitang natatabunan ng mga yero habang nakalubog sa baha ang nasawing si Arnel Arquisalaz, 30, ng Pasilio B, Artex Compound, Brgy. Panghulo ng naturang lungsod.
Ginagamot naman sa Alfonso Medical Clinic sanhi ng sugat sa ulo si Baby Caniete, 16, makaraang mabagsakan ng matigas na bagay.
Ayon sa imbestigasÂyon ng Malabon City Police at Malabon Fire Department, dakong alas-10:00 ng umaga nang magsimula ang sunog sa bahay ni Helen Toribio dahil sa electrical faulty wiring.
Mabilis na kumalat ang apoy kahit lubog sa baha hanggang sa maÂdamay ang aabot sa 55 kapitbahay.
Hindi na nakalabas ng bahay ang nasawi na sinasabing lasing na natulog hanggang sa makitang natatabunan ng yero habang nakalubog sa baha ang bahay.
Isang oras ang itinagal bago naapula ang sunog.
- Latest
