MANILA, Philippines - Kapwa arestado ang mag-live-in matapos mahulihan ng shabu ng mga tauhan ng Philippine Drug Enforcement Agency sa isinagawang operation sa Valenzuela City kamaÂkalawa ng umaga.
Nakilala ang mga suspect na sina Alvin Banalnal, 24; at Cora Sigalit, kapwa taga-A. Mabini St., Brgy. San Roque, Marikina City.
Nabatid na nakatanggap ng impormasyon ang mga tauhan ng PDEA na ang mga suspect ang nagbabagsak ng shabu sa Brgy. Ugong, sa naturang lungsod kung saan agad namang inihanda ang opeÂrasyon na naging daan sa pagkakadakip sa dalawa.
Nasamsam sa mag-live-in ang apat na sachet ng shabu na tumitimbang ng 7.22 gramo. Inihahanda na ang kaso laban sa mga ito.