Pulis itinuturong holdaper sa FX

MANILA, Philippines - Isang pulis na naka­talaga umano sa Pate­ros-Southern Police Dis­trict ang sasampahan ng reklamong robbery (hol­dup) sa piskalya ma­karaang kilalanin ng kanyang biktima sa photo gallery ng Manila Police District (MPD) na humoldap sa isang pampasaherong FX taxi, sa bahagi ng Taft Avenue sa Ermita, noong naka­ raang linggo.

Positibong itinuro ng biktimang si Lorna Calimag, 47, isang Over­seas Filipino Worker (OFW) sa file na may li­trato si “PO3 Abraham M.”, SPD-Pateros Police.

Sa ulat ni SPO1 James Poso, ng MPD-General Assignment Investigation Section, dakong alas-8:15 ng gabi noong Mayo 6, nang sumakay ng FX Taxi si Calimag sa likurang ba­hagi ng sasakyan, habang nasa tapat naman nito na nagkunwaring­ pa­­sahero umano ang sus­pect at dalawa pang kasamahang holdaper.

Habang binabaybay­ ang Taft Avenue, Ermita ay bumunot ng pa­­­talim ang suspect at nagdeklara ng holdap at nilimas ang kanyang­ dalang IPhone 4s na nagkakahalaga ng P30,000.00; dalawang silver bracelet na aabot sa halagang P8,000.00; singsing na ginto na may bril­yante na nagkakahalagang P10,000.00; Polo wrist watch na aabot sa ha­lagang P1,500.00 at cash na P40,000.00, ha­­bang nakulimbat din ng dalawang lalaki, na  kasama­han ng pulis ang iba pang mahala­gang gamit ng mga pasahero, saka mabilis na umes­kapo.

Ipatatawag naman ang pulis upang papagpaliwanagin.