MANILA, Philippines - Isang lalaking pinaniniwalaang biktima ng salvage ang natagpuan sa Valenzuela City kahapon ng umaga.
Inaalam pa ng Valenzuela City Police ang pagkakakilanlan ng biktima na tinatayang nasa edad 25 hanggang 33-anyos, may tattoo sa kanang balikat na Jayson Martin, Cruda naman sa kaliwang balikat, sa dibdib ay Nestor Miracle, Commando naman sa kanang pigi at TBS sa likod.
Sa inisyal na report ng pulisya, dakong alas-4:20 ng umaga, isang taxi driver ang nagmaniobra sa tapat ng isang lugawan sa Sitio Sulok, Brgy. Ugong ng naturang lungsod, nang mapansin nito ang nakaÂhandusay na biktima.
Dalawang tama ng bala sa ulo ang tinamo ng biktima habang nakaposas pa ang mga kamay.
Iniimbestigahan pa ng pulisya ang insidente at nagsasagawa pa ng follow-up operation ukol dito.