MANILA, Philippines - Kilala na ng mga pulis ang isa sa tatlong suspect na humoldap at bumaril sa isang ginang na naganap noong Sabado ng hapon sa Valenzuela City.
Sa pamamagitan ng composite illustrations na ipinakita sa mga nakasaksi nakilala ang isa sa tatlong suspect na si Daniel Galvez alyas “Daniel Demonyoâ€, ng San Vicente St., Brgy. General T. de Leon ng naturang lungsod.
Matatandaan na noong Sabado ng hapon ay hinoldap at binaril ang biktimang si Norma Palomares, 38, ng Coloong 1 M.H. Del Pilar St., Brgy., Malanday ng naturang siyudad matapos itong pumalag sa mga suspect.
Nakipag-agawan ang biktima sa dalang bag na may laman na P550,000 kay Galvez na naging dahilan upang barilin ng huli bago tumakas kasama ang dalawang hindi pa kilalang lalaki sakay ng motorsiklong hindi na nakuha ang plaka.
Dinala naman ang biktima sa Meycauayan Doctors Hospital upang magamot sanhi ng tama ng bala sa kaliwang bahagi ng dibdib.
Base sa rekord ng pulisya, nabatid na sangkot din si Galvez sa pagpatay sa isang Joselito Lopez noong NobÂyembre 5, 2012 kung saan nakalaya ito matapos magpiyansa at muli na namang nambibiktima sa ilang lugar ng CAMANAVA, na kabilang dito ang biktimang si Palomares.