MANILA, Philippines - Patay ang isang barangay chairman nang pagbabarilin ng riding in tandem habang ang una ay naglilinis ng kanyang kotse sa Valenzuela City kahapon ng umaga.
Dead-on-arrival sa Valenzuela Emergency Hospital sanhi ng mga tama ng bala sa katawan ang biktimang si Ronald Legazpi, 46, chairman ng Brgy. Libutan, Meycauayan, Bulacan.
Habang sinusulat ang balitang ito ay inaÂalam pa ang pagkakakilanlan ng mga suspect.
Sa ulat ng Valenzuela City Police, naganap ang insidente dakong alas-6:00 ng umaga sa isang bahay ng biktima sa Alcanar St., Brgy. Wawang Pulo ng nabanggit na lungsod.
Nabatid na nililinis ng biktima ang kanyang kotse na Honda City sa tapat ng kanyang bahay ng biglang sumulpot ang mga suspect at paulanan ng bala ang una.
Matapos ang insidente ay tumakas ang mga suspect habang dinala naman ang biktima sa nabanggit na ospital, subalit hindi na umabot ng buhay. Inaalam na kung may kinalaman sa pulitika ang motibo sa nasabing insidente.