MANILA, Philippines - Bigo nang makataÂngay pa ng cell phone ang dalawang kalalakihan matapos ipadakip ng mismong kawani ng cell phone shop nangmabuking ang iba’t ibang pangalan at requirements sa post paid application sa loob ng mall sa Ermita, Maynila, kamakalawa ng hapon.
Ipinagharap na ng kasong estafa thru swindling, falsification of public and private documents, concealing true name at conspiracy ang suspect na si Dalmacio Reyes, 56, na gumagamit ng mga pangalanng Armando Serrano, Rosendo Mendoza, Manuel Morales at Wilfredo Cunanan, at residente ng #112 Banlat Road, Tandang Sora, Quezon City.
Isinangkot din sa kaso ang kasama nitong si Avelina “Belen†HilaÂrio, 32, ng #220 Jhocson St. Sampaloc, Maynila.
Nadakip ang dalawa matapos madiskubre ng kinatawan Sun Cellular na si Romulo Pineda ang suspect na nagpanggap na si Armando Serrano sa pamamagitan ng pekeng LTO license at Meralco bill para mag-apply sa post paid subscription plan ng naturang cell phone company.
Ang dalawa ay binitbit ng mga pulis sa loob ng Digitel Mobile Phils.Inc. sa mall sa Manila.
Nadiskubre rin sa beÂripikasyon na ilang beses na umanong nagkaroon ng transaksiyon sa nabanggit na cell phone company si Reyes na gamit ang ibang pangalan at kapag nakakuha na ng unit ay hindi na magbabayad.