Cameraman sugatan sa tandem

MANILA, Philippines - Malubhang nasugatan ang isang cameraman ng TV5 makaraang pagbabarilin ng  riding-in-tandem kahapon ng madaling- araw sa Marikina City.

Ginagamot ngayon sa Amang Rodriguez Medical Center ang biktimang nakilalang si Roberto Calanda, 52, residente ng MH Del Pilar St., Brgy. Calumpang, ng naturang lungsod.

Nakatakas naman ang dalawang salarin na magka-angkas sa isang motorsiklo matapos ang isinagawang pamamaril.

Dakong alas-3 ng madaling-araw nang maganap ang in­sidente habang mag-isang naglalakad sa may JP Rizal St. ang biktima galing sa trabaho nang tambangan ng mga salarin at pagbabarilin ito. Masuwerteng tinamaan lamang ang biktima sa hita at sa balikat.

Nakahingi naman ng saklolo ang biktima sa isang police mobile­ patrol na sandaling humabol sa mga salarin na nagawang makatakas. Blangko pa ang pulisya sa motibo sa naganap na pamamaril.