MANILA, Philippines - Apat-katao ang iniulat na nasugatan makaraang tumagilid ang sinasakyan nilang van sa EDSA south-bound malapit sa Balintawak, Quezon City, kahapon ng madaling-araw. Sa ulat ng Quezon City Traffic Sector 1, nakilala ang mga sugatan na sina Rico Asistanga, 25; Isarelo Biasang, 32; Marlon Villa, 26; at si Jayson Cueysen, 23. Lumilitaw na ang mga biktima ay pauwi na mula sa lamay ng kasamahan sa trabaho sa Valenzuela nang mag-cut ang isang taxi saka nagpreno. Dahil dito, nagpasya ang driver ng van na iwasan ang taxi pero nawalan ito ng kontrol at sumampa sa center island, saka tumagilid.