MANILA, Philippines - Isang opisyal ng Manila Police District-Station 6 ang inireklamo ng physical injuries at threat ng isang janitor ng mismong police station sa Sta. Ana, Maynila.
Maghaharap ngayon sa MPD-Gas sina Chief Inspector Dondon Austria, Deputy Station Commander ng MPD-Station 6 (Sta Ana) at Michael Combes, 35, binata, janitor ng Course Multiplier sa MPD-Station 6 at residente ng 1664 Onyx St., San Andres Bukid, Manila .
Sa report ng MPD-GAS dakong 2:15 ng madaling-araw nang naganap ang umano’y paninigaw na humantong umano sa pananakit at pananakot ni Austria kay Combes sa loob mismo ng presinto ng MPD-Station 6 sa Sta. Ana, Maynila.
Subalit pinabulaanan naman ni Austria ang akusasyon ni Combes na sinaktan at tinakot niya ito bagamat sinabi nito na pinangaralan lamang niya ito.
“Wala, wala naman naganap na pananakit at pananakot. Pinagsabihan ko lamang kasi lumalaki na rin ang kanyang ulo†ayon kay Austria.