BI personnel bawal makipag-usapsa mga walang modong dayuhan

MANILA, Philippines - Pinagbawalan ni Immigration Commissioner Ricardo David Jr. ang kanyang mga tauhan sa Ninoy Aquino International Airport (NAIA) na iwasan ang pakikipag-usap sa mga walang modo o unruly foreign passengers at maging matiyaga sa mga dumarating na pasahero sa pambansang paliparan.

Sa memorandum ni David pinaalalahanan din ang airport immigration officers na ipakita ang pangangalaga o pagmamalasakit ng mga tauhan ng BI sa ilalim ng programang “BI CARES” na ang layon ay maipakita ang pagi­ging “courteous, accountable, responsible, and efficient service” ng mg Pinoy sa mga biyahero.

Kabilang sa mga dayuhan na pinaiiwasan ni David sa mga immigration officer ay yaong mga lasing o nasa impluwensiya ng illegal drugs bukod pa sa mga dayuhan na gumagamit ng karahasan o pananakit sa mga kapwa pa­sahero, ang mga nanghaharas at intimidasyon.

“All are directed to observe a professional and service-oriented behavior in handling with passengers/clients, and refrain from making unwarranted remarks”, ayon sa pinadalang statement ng komis­yuner noong November 4, 2012.