Pagtitibay: Hindi ako maiinip, magtitiwala ako lagi na may mas magandang oportunidad na laan sa akin ang Maykapal. Pasasaan ba at lalantad din ang hinahanap kong mapagkukunan ng extra income.
ARIES (Marso 21- Abril 19) – Kung mag-a-apply ng trabaho sa umaga lakarin at tiyak matatanggap kung tama ang posisyon na kailangan. Magkakaroon ng bagong alok sa trabaho. Anumang bagay ay dapat pagdesisyunan o pag-isipan muna ang kahihinatnan bago pumalaot. Lucky numbers at color for the day ay 17, 26, 30, 42 at electric blue.
TAURUS (Abril 20- Mayo 20) – Matatapos na rin ang iyong problema na may kinalaman sa kalusugan. Makakatanggap nang dagdag na proposisyon galing sa itaas. Pag-ukulan ng pansin ang pakiusap ng iniibig o kaibigan. Lucky numbers at color for the day ay 12, 23, 32, 38 at orange.
GEMINI (Mayo 21- Hunyo 21) – Makakatagpo mo ang dati mong mahal. Hahantong na naman sa bawal na relasyon ang inyong pagkikita kung hindi mag-iingat at pag-iisipan ng mabuti ang kahahantungan. Mararamdaman mong mahal ka pa rin niya sa kabila ng lahat na ikaw ay ‘di na malaya. Lucky numbers at color for the day ay 5, 9, 24, 32 at peach.
CANCER (Hunyo 22- Hulyo 22) – Subukan mong makipagkita sa dating kasosyo sa negosyo at tiyak may panibago kang kikitain. May mabuting pangyayari ang darating sa araw na ito. Huwag ipakita sa mahal ang pagpatak ng mga luha. Maging matatag. Lucky numbers at color for the day ay 4, 17, 27, 39 at violet.
LEO (Hulyo 23- Agosto 22) – Kakayanin mo ang pagod sa maghapon, dapat lamang dahil sa pangangailangan. Kailangang magpahinga nang todo sa gabi upang makabawi. Kung pababayaan mo, magiging sanhi ito ng karamdaman. Lucky numbers at color for the day ay 7, 12, 23, 34 at avocado green.
VIRGO (Agosto 23- Setyembre 23) – Mabibiktima ka ng isang panlilinlang kung magpapabaya at hindi mag-iingat. Mapapanatili mo ang kanilang paghanga at pagrespeto sa iyo. Magpapatuloy ang mataas na respeto ng komunidad sa iyo kung hindi ka magbabago sa pakikitungo sa kanila. Lucky numbers at color for the day ay 2, 16, 31, 40 at silver.
LIBRA (Setyembre 24- Oktubre 23) – Matinding galit ang mararamdaman mo sa bandang umaga kaya maging mahinahon. Huwag hayaang masira ang araw mo, hangga’t maaari pag-isipan muna ang bawat salitang bibigkasin para walang masaktan na damdamin. Lucky numbers at color for the day ay 1, 11, 26, 37 at pink.
SCORPIO (Oktubre 24- Nobyembre 22) – Gagawin mo ang lahat para sa pag-ibig pero mabibigo ka pa rin. Isang kamag-anak ang lalapit para humingi ng tulong pinansiyal, mapagbibigyan mo ito bilang pagtanaw ng utang na loob. Lucky numbers at color for the day ay 4, 10, 16, 33 at violet.
SAGITTARIUS (Nobyembre 23- Disyembre 21) – Pag-isipang mabuti ang gagawing desisyon sa araw na ito. Maaaring maging dahilan ito ng malaking pagkalugi sa negosyo o pagkapalpak sa mahalagang bagay. Huwag agad maniniwala sa sabi-sabi. Lucky numbers at color for the day ay 3, 6, 17, 25 at blue gray.
CAPRICORN (Disyembre 22- Enero 19) – Balansihin ang ginagastos at kinikita. Maaaring malaki ang gastos sa pumapasok na kinikita. Gumawa agad ng paraan para maisaayos ang pagkakamali. Mahusay na pagba-budyet ang kailangan. Lucky numbers at color for the day ay 8, 9, 23, 36 at apple blue sapphire.
AQUARIUS (Enero 20- Pebrero 18) – Ang nararamdamang kutob ay dapat sundin dahil magkaka-totoo at magiging positibo ang resulta. Kumprontahin ang mahal kung may iba pang mahal at sa proseso, lawakan ang pang-unawa para maisalba ang pagsasama. Anumang problema, huwag dalhin sa trabaho. Lucky numbers at color for the day ay 13, 17, 23, 29 at white.
PISCES (Pebrero 19- Marso 20) – May paglalakbay kang gagawin sa trabaho o sa personal. Kung kasama ang maliit na bata sa paglalakad, tiyakin na mabantayan nang mabuti upang hindi mawala. Lucky numbers at color for the day ay 11, 29, 39, 41 at brown.