Nakilala lang sa Facebook

Dear Dr. Love,

Matagal ko nang pangarap na makapag-asawa ng foreigner na makapagdadala sa akin sa Amerika, Canada o saan man basta giginhawa ang buhay ko.

Tawagin mo na lang akong Luz, 42 years old at dalaga. May nakilala akong Amerikano sa FB at siya ay 60 anyos na biyudo.

Sinagot ko siya matapos sabihing seryoso siya sa akin at balak niyang magtungo sa Pilipinas upang pakasalan ako.  Masaya na sana ako.

Pero naghinala ako na isa siyang scammer dahil umutang siya sa akin ng one thousand dollars dahil may lalakarin siyang mga papers at babayaran daw niya ako pagdating sa Pilipinas.

Ano sa palagay mo, dapat ba akong magtiwala sa taong ito?

Luz

Dear Luz,

Ay naku, luma na iyang ganyang istorya at marami na ang nadenggoy.

Buti pa i-block mo na ang taong iyan dahil tiyak ko na isa lang siyang scammer.

Dr. Love