Ngayon siya ang nagmamakaawa

Naawa sa pinautang

Dear Dr. Love,

Ako po si Orly, pinag-aawayan namin ng misis ko ang pinautang kong 50k sa kumare namin.

Tiwala akong magbabayad siya sa oras. Ok naman sa unang hulog niya. Nang pangalawang hulog, marami na siyang alibi.

Wala pa naman kaming kasulatan sa hiniram niya.

Pang tuition ng anak namin ‘yun sa  darating na second semester.  Naawa ako, kaya pinautang ko siya.

Ngayon kami naman ang nagmamakaawa para magbayad siya. Nakakadala tuloy. Pinagdududahan pa ako ng misis ko na baka nagagas-tos ko lang ang binabayad ni kumare.

Orly

Dear Orly,

Nakaka-stress nga ang sitwasyon na ‘yan, lalo na kung pinag-uusapan ang pera na panggastos sa mahalagang bagay tulad ng tuition ng anak ninyo.

Nararamdaman ko ang alalahanin mo, gusto mo lang tumulong sa inyong kumare, pero nga-yon parang nadadala kayo sa gulo.

Sabihin mo sa kumare ninyo na kailangan mo talaga ang pera, at ipaalam mo sa kanya na ang perang pinahiram mo ay para sa tuition ng anak ninyo.

Minsan, hindi nila naiintindihan kung gaano kahalaga ang hinihiram nila kaya kailangan maging malinaw.

Kung hindi pa maayos, baka pwedeng mag-set kayo ng bagong agreement kung kailan niya mababayaran ang buong utang. Kahit wala kayong kasulatan noong una, mas mabuti kung mag-uusap kayo at magkaroon ng kasunduan, kahit sa text o chat lang, para may ebidensya kayo ng pinag-usapan.

Sabihin mo sa misis mo kung paano mo inaasikaso ang sitwasyon.

Kung nag-aalala siya na baka nagagastos mo ang binabayad ni kumare, ipakita mo ang mga receipts o palitan ninyo ng mensahe ni kumare bilang patunay.

Huwag kang magpapabiktima sa awa, sa mga susunod na pagkakataon.

Madalas kasi, kapag nakikita ng iba na madaling humiram ng pera sa iyo, nauulit ito. Sa susunod, mas mabuting may malinaw kayong kasunduan o kasulatan.

Subukan n’yo rin na pag-usapan ito ng mahinahon ng misis mo.

Minsan kasi, hindi ang pera ang pinag-aawayan, kundi ang tiwala at komunikasyon. Mas mabuting pagtuunan ninyo iyon para hindi lumala ang sitwasyon sa inyo bilang mag-asawa.

DR. LOVE