Itago na lamang ninyo ako sa pangalang Gienna. Gustong magyabang ng mister ko.
Ayaw niyang sundin ang biyenan ko na magtayo ng maliit na canteen…ang gusto niya mag-franchise ng isang produkto para raw wala nang iintindihin.
Ang naiisip ng biyenan ko ay makakatulong ng pang habang buhay ang magiging tindahan namin.
Ang mister ko, gusto niya magmalaki sa nanay niya na kaya na niya ang magnegosyo ng malaki.
Gienna
Dear Gienna,
Mukhang mayroong konting pagkakaiba sa pananaw ng iyong mister at ng iyong biyenan pagdating sa pagsisimula ng negosyo.
Nakikita ng biyenan mo ang pagnenegosyo bilang isang pang matagalang solusyon, isang maliit na canteen na maaaring maging stable at patuloy na mapapalago sa pagdaan ng panahon.
Samantalang ang mister mo naman ay mukhang nais magpatunay na kaya niya ng malaki, at gusto ng isang mabilis at siguradong kita sa pamamagitan ng pag-franchise ng produkto.
Magkaiba man ang kanilang approaches, parehong may punto.
Ang franchising ay maaaring magkaroon ng mas kaunting risk dahil mayroon nang napatunayang sistema at brand, pero hindi ito nangangahulugang mas madali.
Marami pa ring kailangan bantayan tulad ng pagpapatakbo, gastos at pag-manage ng operasyon.
Sa kabilang banda, ang pagtatayo ng sariling canteen ay mas matutukan ng personal, at puwedeng maging magandang foundation para sa mas matatag na kita sa hinaharap.
Maaaring magandang pag-usapan ng mabuti ang parehong option.
Baka puwedeng tingnan kung ano ang mas achievable base sa inyong resources ngayon, at kung ano ang mas magiging sustainable para sa inyo bilang pamilya.
Ang mahalaga ay mapanatili ang bukas na komunikasyon para mapakinggan ang bawat isa at makita ang pinakaangkop na direksyon ng negosyo.
Importante rin na lakipan ang bawat hakbang na gagawin ng matimtim na pana-langin, para matamo ang paggabay ng sour ng success, walang iba kundi ang ating Manlilikha.
Kasama ninyo ako sa panalangin, na pinakamabuti at tama ang maging desisyon ninyo.
DR. LOVE