‘Di ako tibo

Dear Dr. Love,

Lagi po akong inaalaska ng mga friends ko na tomboy raw ako na malayo sa katotohanan. Maganda naman ako pero hindi lang pala-makeup at laging polo at denim pants ang suot ko dahil dun ako komportable.

19 anyos na po ako at wala pa akong boyfriend o manliligaw man lang kahit maraming nagsasabing maganda ako. Tawag sa akin ng iba, Mr. Pogi.

Noong 14 pa ako ay may mga nanligaw sa akin pero binasted ko lahat.

Tomboyish kasi ako mula pagkabata pero nagbago ang damdamin mo nang ganap na akong magdalaga.

Ngayong dalagang-dalaga na ako ay wala namang nanliligaw.

Pilitin ko mang baguhin ang pananalita ko at galaw, naaasiwa ako dahil halatang nagpipilit ako. Help me on what to do.

Openg

Dear Openg,

Sa ayaw mo’t sa gusto dapat mong gawing feminine ang kilos at pananalita mo. Magdamit ka rin ng pambababae at mag-makeup kung ibig mong maligawan ka.

Huwag mong ga-wing dahilan na hindi mo mapilit ang sarili mo.

Gusto mo ng sui-tors, puwes  magpakababae ka.

Subukan mong mag-enrol sa finishing school para maturuan ka ng social graces para sa babae.

Dr. Love