Dear Dr. Love,
So bless sa mga ninong at ninang
Tawagin na lamang ninyo akong Jong. Gusto ko lamang po magpasalamat sa mga ninong at ninang namin sa kasal, lalo na kay Ninong Larry.
Nag-alala kami dahil naubos ang ipon naming mag-asawa, umabot kasi halos nasa 100k ang ginastos namin sa kasal. Dahil dun hindi kami nahiyang magsabi sa aming mga ninong at ninang na perahin na ang ireregalo nila sa amin. Laking gulat ko na nasa 35K na ang pinagsama-samang regalo nila sa amin. Si Ninong Larry nagbigay pa ng pampuhunan sa amin munting tindahan. Maraming salamat kay Lord dahil binigyan niya kami ng mababait na ninong at ninang.
Jong
Dear Jong,
Ang husay ninyong pumili ng mga ninong at ninang. Bukod sa pasasalamat, isama n’yo sila lagi sa inyong panalangin.
Ganon naman talaga ang tungkulin ng ninong at ninang, ang suportahan ang mag-asawa. Pagpalain kayo ng Maykapal at maging masaya pa kayo sa inyong pagsasama bilang mag-asawa.
DR. LOVE