Dear Dr. Love,
Kamusta po, Dr. Love? Sana maganda ang pakiramdam mo sa pagtanggap ng email ko.
Gusto ko pong ihingi ng payo ang tungkol sa isang kasamahan sa aming school league na consistently papansin. Noong una ay nakakatawa pang tingnan, pero habang tumatagal ay malaking iritasyon na siya sa paningin ko.
May time na nasisira ang moment ko, halimbawa sa panonood ko ng movie marathon dahil tatawag siya. Ang nakakaasar pa, sasabihin niyang “importante lang” sa kung sino mang makasagot.
Hindi ko po alam kung ano ang trip niya, obviously naman na hindi ako interesado sa kanya. Pero ang kulit niya talaga. Tulungan po ninyo ako kung paano ko iha-handle ang ganitong klaseng tao.
Thanks.
Sisie
Dear Sisie,
Sa palagay ko, kung hindi ka interesado sa kanya, siya ay sobrang interested sa’yo to the point na nagiging papansin na siya. Subukan mong kausapin siya at in a nice way ay sabihin mo sa kanya na hindi mo nagugustuhan ang ginagawa niyang pangungulit sa’yo. Saka ka makiusap na sana ay tigilan na niya. Kung hindi siya makinig, ignore him totally.
There is always a way to say not so good thing, in a nice way.
Dr. Love