Dear Dr. Love,
Pakiusap ko lang Dr. Love, keep my identity secret. Basta tawagin mo na lang akong Lester. I am getting to be 18 years old at magtatapos ng chemical engineering two years from now.
Dalawa ang girlfriend ko na pareho kong mahal. Pero mas matimbang sa puso ko ang isa. Pareho silang maganda pero may kani-kaniyang katangian. ‘Yung isa ay mahilig sa gimik at outgoing, samantalang ang isa ay conservative at tutok sa pag-aaral.
Aaminin ko na nagkaroon na kami ng sexual relations nung isang outgoing na siyota ko, samantala ‘yung isa ay hanggang kissing lang. Pero kahit wala pa kaming sexual relations nung isa, mahal na mahal niya ako pero kung iiwanan ko raw siya ay wala siyang magagawa.
‘Yung isa naman ay kapit-tuko sa akin at sinasabing kapag niloko ko siya ay papatayin ako.
Sino sa kanila ang tutuluyan ko?
Lester
Dear Lester,
May kapilyuhan ka at natural lamang na ‘yung isang naangkin mo na ay magalit sa iyo kung hihiwalayan mo. ‘Yung isa naman, may “k” na sabihing wala siyang magagawa kung hihiwalayan mo dahil wala ka pa namang nakukuha sa kanya. Problema iyan kung paano mo siya hihiwalayan, kapag ‘yung isa ang pinili mo.
Pero ang masasabi ko ay mag-focus ka muna sa pag-aaral at medyo mahaba pa ang dalawang taon. Kung ako ang papipiliin mo, mas gusto ko sa babae ang conservative na ayaw isuko ang pagkababae. Isang hiyas iyan na dapat pahalagahan.
Pero hindi ko sakop ang pag-iisip mo kaya hindi ako makakapagdesisyon kung sino ang pipiliin ko para sa iyo. Ikaw ang magdedesisyon niyan.
Dr. Love