Nililigawan ng may-asawa

Dear Dr. Love,

Happy Easter to you. Tawagin mo na lang akong Blanca, 19 years old and getting 20 on June.

Nasa huling taon na ako ng aking pag-aaral sa computer science and I am confused. Nililigawan ako ng aking professor na may asawa.

Aaminin kong crush ko ang prof ko na ito dahil matangkad, guwapo at gentleman.

Pero hanggang crush lang ako dahil batid kong masama ang makipagrelasyon sa may asawa.

Palagi niya akong pinadadalhan ng mga roses sa bahay at niyayaya niya akong kumain sa labas. Tumatanggi ako pero kung minsan gusto kong pagbigyan.

Ano ang gagawin ko?

Blanca

Dear Blanca,

Baka naman ipinahalata mo sa prof mo na may gusto ka sa kanya kaya he is taking advantage now? As you said, may asawa na siya kaya hindi dapat patulan.

Panindigan mo ang sinabi mong iyan. Layuan mo siya at kung kukulitin ka niya, diretsahin mo siya na hindi ka papatol sa may-asawa kahit kailan.

Dr. Love