Pangulong Marcos ‘di sisibakin si Solgen Guevarra
MANILA, Philippines — May tiwala pa rin si Pangulong Ferdinand Marcos Jr. kay Solicitor General Menardo Guevarra.
Ayon kay Palace Press Officer Undersecretary Atty. Claire Castro, nakausap na niya si Pangulong Marcos tungkol kay Guevarra at sinabing hindi niya hihilingin ang pagbibitiw ni Guevarra.
“No’ng tinanong ko siya kung magre-resign si SolGen, ang sabi niya: ‘Hindi ko hinihingi ang pagre-resign niya’. So ‘yun lang ang sinabi niya, so nandoon pa rin ‘yung trust niya kay SolGen Menardo Guevarra,” ayon kay Castro.
Nagkausap na rin aniya ang Pangulo at si Guevarra subalit wala siyang alam kung ano ang napag-usapan ng mga ito.
Nauna nang umani ng puna at batikos ang pagdistansya ni Guevarra sa petisyon ng mga Duterte sa Korte Suprema at ilan sa mga kritiko nito ang humiling na magbitiw na lamang ito bilang abogado ng gobyerno.
- Latest
