Pantay na proteksyon sa batas isusulong

MANILA, Philippines — Tututukan ng Pinoy Ako Partylist ang kapakanan ng mamamayan at isusulong ang pantay na proteksyon sa batas.

Sa paglulunsad ng kampanya sa Binangonan, Rizal, tiniyak ni Pinoy Ako Partylist nominee Danny Castillo sa mga mamamayan na tututukan nila ang hanapbuhay, edukasyon, kalusugan, at maayos na serbisyo ng gobyerno. 

Nagpahayag ng pagkabahala ang Pinoy Ako partylist dahil mistulang naisasantabi ang interes ng mga mamamayan dahil sa problemang pulitikal o pagkakahati-hati ng iba’t ibang mga grupo. 

Paalala ng “Pinoy Ako” sa mga botante, maging mapanuri at ma­ging matalino sa pagpili ng ibobotong mga kandidato.

Hindi rin dapat basta-basta maniwala sa kanilang mga pangako at sa halip ay dapat maging mapagbantay sa mga insidente ng korapsyon at tiyakin na ang ihahalal nilang lider ay tunay na aaksyon.