‘Buti na lang talaga, may Malasakit’
MANILA, Philippines — Para kay Melody Comanda, isang 43-anyos na residente ng Antipolo City, ang buhay ay serye ng pakikipaglaban sa hirap mula nang siya’y masuri na may Chronic Kidney Disease (CKD) Stage 5 noong 2007.
Sa loob ng 17 taon, siya ay umiikot sa masusing paggamot sa dialysis —isang magastos at nakakabuwis na proseso na sumubok sa kanyang katatagan, kapwa sa pisikal at emosyonal.
Gayunpaman, ang laki ng kanyang pasasalamat tungkol sa isang programa na lubos na nagpagaan sa kanyang pasanin: ang inisyatiba ng Malasakit Center.
“Buti na lang talaga. Nung dati, wala pang Malasakit (Center). Talagang shoulder namin lahat. ‘Yun ‘yung usap-usapan namin ng mga dialysis patient na, buti may ganito na.”
Ang Malasakit Centers, bilang one-stop shop sa mga ospital, ay naglalayong suportahan ang mahihirap na pasyente sa pamamagitan ng pagbabawas sa mga sinisingil sa kanila sa ospital sa pinakamaliit na halaga.
Ang inisyatiba ay na-institutionalize sa pamamagitan ng Republic Act No. 11463 o ang Malasakit Centers Act of 2019, na pinangunahan ni Senator Christopher “Bong” Go bilang principal author at sponsor.
Ngayon, may 166 Malasakit Center ang operational sa buong bansa at iniulat ng DOH na mahigit 15 milyong Pilipino na ang nakinabang sa programa.
- Latest
