MANILA, Philippines — Posibleng lumipat ng operasyon sa Visayas at Mindanao ang operasyon ng Philippine Offshore Gaming Operators (POGO).
Sa Bagong Pilipinas Ngayon, sinabi ni Presidential Anti-Organized Crime Commission (PAOCC) executive director Gilbert Cruz na nakatutok sila sa Visayas ngayon matapos na makatanggap ng ulat na doon naglipatan ang POGO.
‘’Mayroon po tayong monitoring na ginagawa, ‘yun nga nakatutok din tayo sa Visayas kasi may mga report tayo na natatanggap na naglipatan...”ayon kay Cruz.
Ayon pa kay Cruz, 80% ng tinatayang 400 POGO hubs na kanilang namonitor ay tumigil na sa operasyon.
Subalit hindi naman aniya ito ibig sabihin na tumigil nang tuluyan dahil sa ngayon ay mayroon pa silang hinahabol na mga small-scale.
Matatandaan na noong Nobyembre ng nakaraang taon ay pinatigil ni Pangulong Ferdinand Marcos Jr ang operasyon ng POGO, internet gaming, at iba pang offshore gaming operations sa bansa.