Rider hulog sa 100-ft na bangin sa Cebu, patay!
MANILA, Philippines — Patay ang isang motorcycle rider matapos na mahulog sa 100 talampakang taas na bangin kamakalawa ng madaling araw sa Talisay City, Cebu.
Sa pamamagitan ng kanyang drivers license, nakilala ng Talisay Traffic Operations and Development Authority ang biktima na si Benjie Acruz, 23, tubong Pinamungajan town at residente ng Barangay Kalunasan, Cebu City.
Sa imbestigasyon, nangyari ang aksidente bandang alas 4 ng madaling araw sa bangin ng Sitio Santol, Barangay Campo Cuatro (4), Talisay City.
Ilang residente ang nakarining ng pagkahulog ng biktima kaya agad na humingi ng tulong sa ilang barangay officials.
Nakuha ng Local Disaster Risk Reduction and Management Office ang bangkay ni Acruz sa baba ng bangin na malapit sa ilog.
Nakikipag-ugnayan na ang mga otoridad sa pamilya ng biktima.
- Latest
