MANILA, Philippines — Hindi pa rin sigurado na sisipot ni dating Pangulong Rodrigo Duterte sa Senate probe nitong Lunes tungkol sa giyera laban sa ilegal na droga, ayon kay Senate Minority Leader Aquilino “Koko” Pimentel III.
“Medyo nag-alanganin na raw. Pero better to just wait for Monday para actual malaman natin kung naroon ba o wala,” ani Pimentel.
Taliwas naman ito sa pahayag ni Sen. Ronald dela Rosa na nagsabing dadalo si Duterte sa imbestigasyon sa Lunes.
Bukod kay Duterte, inimbitahan din ng Senado ang retiradong pulis na si Royina Garma, na naunang tumestigo sa House Quad Committee tungkol sa umano’y “Davao model,” kung saan nabibigyan umano ng “rewards” ang mga nakakapatay sa mga pinaghihinalaang sangkot sa ilegal na droga.