MANILA, Philippines — Namahagi ng mga kalidad na bigas at fertilizers sa daan-daang magbubukid at pamilya na nakatira sa Bgy. Dapdap, Tagaytay City ang businesswoman-philanthropist na si Virginia Rodriguez upang matugunan ang kanilang mga pangangailangan sa pang araw-araw na buhay.
Si Rodriguez, nominado ng ATeacher partylist, ay namigay ng tulong para sa mga kapos nating kababayan at nais nyang ipagpatuloy ang adbokasyang ito upang maiangat ang buhay ng mga mahihirap na Pilipino.
Dahil sa kanyang adhikain na makatulong, pinalawak pa ni Rodriguez ang kanyang mga programa sa buong Metro Manila at sa Luzon, Visayas at Mindanao.
Sa dinaluhan nitong okasyon kung saan siya ay namahagi ng mga bigas at fertilizers sa mga mahihirap na mag-bubukid, nakipag-ugnayan na rin si Rodriguez sa mga local officials ng Cavite, Batangas at Metro Manila para makapag-implementa ng mga programang pangkabuhayan.
Binigyan diin ni Rodriguez na ang mga barangay leaders ay isang “training ground” para maging tunay at matalinong liderato ng mamamayan at sumali sa pang national governance.